2021 оны 10-р сарын 1 дүгээр арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2021 оны 10-р сарын 1 дүгээр арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

10 хоногийн тойм бичвэр: Говь-Алтай аймгийн нутгаар 2021 оны 10-р сарын нэгдүгээр арав хоногийн байдлаар агаарын дундаж температур Хүйс, Шарга, Халиун, Бигэрийн говь хоолой, Алтайн өвөр говиор 5.0-7.9 градус дулаан, бусад нутгаар 0.1-4.7 градус дулаан байлаа. Агаарын хамгийн их температур Тооройд 21, Бигэрт 20, Алтай, Халиунд 19, Шарга, Тайшир, Хөхморьтод 18 градус дулаан, бусад сумуудад 12-17 градус дулаан байлаа.

Агаарын хамгийн бага температур Есөнбулагт -13, Цогт, Цээлд -11, Жаргалан, Дэлгэр, Бугат, Тонхилд -10, Гуулин, Чандмань, Тайшир, Баян-Уул сумуудад -9 градус хүйтэн, бусад сумуудад 4-9 градус хүйтэн байлаа.

Хөрсний гадаргын дундаж температур Хүйс, Шарга, Бигэрийн говь хоолой, Алтайн өвөр говиор 9-11 градус дулаан, бусад нутгаар 1-7 градус дулаан байлаа. Хөрсний гадаргын хамгийн их температур Тооройд 42, Бигэрт 38, Жаргаланд 35, Алтайд 34, Чандмань, Гуулинд 31, Хөхморьтод 30, бусад сумуудад 23-29 градус дулаан байсан бол хөрсний гадаргын хамгийн бага температур Гуулинд -12, ­Есөнбулаг, Бугат, Баян-Уул, Тайшир, Чандмань, Цогтод -10 градус хүйтэн, бусад сумуудад -7-9 градус хүйтэн байлаа.

Хур тунадасны хувьд энэ арав хоногт ихэнх нутгийг хамарч хур тунадас орсон ба Гуулинд 7.0 мм, Есөнбулагт 4.7 мм, Цогтод 3.0 мм, Эрдэнэд 2.8 мм, Чандманьд 2.0 мм, Тонхилд 1.4 мм, Дэлгэрт 1.3 мм, Баян-Уулд 1.0 мм, Хөхморьтод 0.9 мм, Бугатад 0.8 мм, , Тооройд 0.4 мм, Алтай, Бигэр, Цээлд 0.0 мм хур тунадас орсон байна. Харин бусад сумуудад хур тунадас ороогүй байна.  

Салхины хамгийн их хурд Бугатад 26 м/с, Есөнбулагт 23 м/с, Тооройд 21 м/с, Тонхил, Дарив, Төгрөг, Шарга сумуудад 20 м/с, Хөхморьтод 19 м/с, Баян-Уул, Гуулин, Дэлгэрт 16 м/с хүрч шороон шуурга шуурсан байна. Нийт нутгаар 10 м/с-ээс дээш салхитай өдрийн тоо 1-7 өдөр байлаа.

Малын усан хангамж: Малын усан хангамж дунд зэрэг.

Малын тарга хүч: Малын тарга хүч дунд зэрэг байна.  

Бэлчээрийн ургамлын ургалтын байдал: Говь-Алтай аймгийн нийт нутгаар ургамлын үе шат хатаж хагдарч  дуусан байна.  

Цасны мэдээ: 2021 оны 10-р сарын 11-ны байдлаар Цогтод 0 см, бусад сумуудад цасгүй байна. Нийт нутгийн 10 хувьд цасан бүрхүүл тогтсон байна. 

                   Хянасан: Цаг уурын хэлтсийн дарга                              / Т.Дэлгэрмаа /

        Тойм бичсэн: ХААЦУ хариуцсан ерөнхий технологич ᠮᠡᠰᠢᠭᠳᠣᠷᠵᠢ ᠶᠢᠨ ᠭᠦᠨᠪᠢᠯᠢᠭ  / М.Гүнбилэг /